去年底，蔡思貝被人踢爆，與《降魔的2.0》上位的胡鴻鈞拍拖，即是說，緋聞男友余德丞已成過去式？不過，一仔這晚卻見到，有新歡的蔡思貝，鬼祟夜會余德丞，難道他倆藕斷絲連，糾纏三角關係？

二人約會的當晚，揀了食串燒撐枱腳，且一食就三粒鐘，走的時候，這對傳緋聞的男女，鬼祟到要前后腳分開走。余德丞一支箭走去銀行柜員機提款，為怕約會一事外洩，女方沒跟著他行，反而先返回自己的新座駕等對方。

㩒完機的余德丞，行番去搵蔡思貝，沿途他雙眼如人肉探測器一樣，不停掃射有冇可疑人物，尤如十級戒備。密會啫，使乜咁驚呀！

原來好戲在后頭，二人這麽鬼祟，不是因為偸情，而是蔡思貝的男友胡鴻鈞，剛到現場會合女友。呢餐飯，遲來的胡鴻鈞原想join埋一齊食，但余德丞發現附近有疑是狗仔隊的人，為掩護「蔡鈞戀」即通風報信，示意胡鴻鈞不要現身。

說回拍拖半年的「蔡均戀」，至今仍處于小心戒備的狀態，縱然去年情侶關係被揭，但揭還揭，一于打死唔認，夾好口供，蔡思貝：「好朋友囉，冇呢啲喎！」，而胡鴻鈞：「自己嘅愛情，仲係尋尋覓覓當中。」齊齊做對大話情人。

蔡思貝與余德丞這對緋聞男女，之前關係最曖昧時候，二人不為一棵樹放棄整個森林，親密同時又各有各收兵，追女。余德丞一度越級挑戰，以近水樓台之利，追鄰居娜姐，但最后只能做兵，未能進階。

知道余德丞背著她媾周秀娜，蔡思貝都唔執輸，同余德丞慶祝生日兼po相，宣洩下主權。之后蔡思貝轉投胡鴻鈞，余德丞公開一番看似戲言，實則有點葡萄說話：「我絕對係同佢襯啲，我諗唔係剩係我講，大把人都咁講。」雖然今日胡鴻鈞已是蔡思貝的另一半，由緋聞男友轉為知己的余德丞，肯為佢倆做掩護，呢啲係咪叫大方！

嚴禁無授權轉載，違者將面臨法律追究。