黃宗澤周秀娜打到周身傷要戴護膝套開工：

冇一忽好肉

黃宗澤（Bosco）和周秀娜（娜姐）今日齊齊現身觀塘出席無綫新劇集《迭影追擊》宣傳活動。由于此套劇種是警匪題材，所以都涉及大量動作場口，因此 Bosco和娜姐打到周身傷，有苦自己知。娜姐表示：「我係拍到冇一忽好肉，因為好多時候拍緊你係唔會知發生咩事。例如我試過拍一場戲，講我要撠跌對手，因為要拍唔同嘅鏡頭角度，咁所以重復做咗好多次嗰個動作，拍完返到屋企之后，就發現我隻腳腕嗰度骨係腫咗好大，我以為被我撠親嗰個人有事，但原來自己都會有事。」

黃宗澤和周秀娜在劇中有不少動作場面。（吳子生攝）

黃宗澤接著說：「套劇入面除咗其他動作場口之外，令外最多就係同佢成日都要跑，我同佢係跑到大家係傷埋同一個膝頭，變咗我喺係要戴住護膝套開工，每次拍完嗰場戲之后，我同佢係坐喺場邊係咁捽隻腳，諗返個嗰情景都幾搞笑。」

周秀娜打到周身傷。（吳子生攝）

同劇演員大合照。（吳子生攝）